محمد حسین باقری، بین الاقوامی امور کے ماہر اور اقبال فورم کے سربراہ کے ایران پر امریکہ اور صہیونی رژیم کی مسلط کردہ جنگ کے تازہ حالات پر اہم نکات

ایرانی معاشرے کی سمجھ:
جو بھی ایرانی معاشرے اور اس کی تاریخ کو صحیح طور پر سمجھتا ہے وہ جانتا ہے کہ ایرانی اپنے ملک سے گہری محبت رکھتے ہیں۔ اگرچہ احتجاج کے دوران وہ بکھرے ہوئے نظر آ سکتے ہیں، لیکن جب ملک پر جنگ مسلط ہو جائے تو وہ اپنے اختلافات بھلا کر ایک متحد قوت بن جاتے ہیں۔

ایران کا آئندہ رہنما:
ٹرمپ کے یہ دعوے کہ وہ ایران کا اگلا رہنما منتخب کرے گا مضحکہ خیز ہیں۔ کہا گیا ہے کہ مجلسِ خبرگان نے چھ امیدوار منتخب کیے ہیں اور جلد انہی میں سے نیا رہنما منتخب ہوگا۔

آذربائیجان پر حملے کا مسئلہ:
ایرانی حکومت نے آذربائیجان کو بتایا ہے کہ اس نے اس کی سرزمین پر حملہ نہیں کیا، اور یہ واقعہ صہیونی سازش ہے جس کا مقصد ایران اور ہمسایہ ممالک کے درمیان کشیدگی بڑھانا ہے۔

ٹرمپ کی مہم جوئی کا انجام:
یہ ٹرمپ کی مشرق وسطیٰ میں آخری کوششیں ہوں گی۔ وہ اپنی سیاسی کامیابی کے لیے فتح چاہتا ہے، لیکن ایران میں اسے صرف ناکامی ملے گی۔ اس کے مطابق وہ شکست خوردہ واپس جائے گا اور طویل عرصے تک ایران پر دوبارہ حملے کا سوچ بھی نہیں سکے گا۔