محمد حسین باقری، اقبال فورم کے سربراہ، کے بیانات جو انہوں نے ہم نیوز پر عاصمہ شیرازی کے ساتھ انٹرویو میں دیے:

آج ایران کے خلاف صہیونی رژیم اور امریکہ کی جانب سے مسلط کردہ جنگ کا سترہواں دن ہے، اور اس ملک کے عوام اور مسلح افواج اس غیر قانونی جارحیت کے خلاف بہادری اور قومی غیرت کے ساتھ مزاحمت جاری رکھے ہوئے ہیں۔

ایران کے وزیر خارجہ عباس عراقچی کی جانب سے پاکستانی عوام کی تعریف دونوں ممالک کے درمیان تعلقات کی گہرائی کو ظاہر کرتی ہے۔

ایران کا مقصد اس مسلط کردہ جنگ کے خلاف ڈٹے رہنا، بھاری جانی اور مالی نقصانات کے باوجود، صہیونی رژیم کی جارحانہ پالیسیوں کا مقابلہ کرنا ہے۔

ایران نے اس جنگ کے لیے تین دہائیوں تک تیاری کی تھی، جبکہ ٹرمپ بغیر کسی منصوبہ بندی کے نیتن یاہو کے بہکاوے میں آ کر ایران کے ساتھ جنگ میں الجھ گیا۔

جب امریکہ یورپی ممالک سے مدد مانگتا ہے تو واشنگٹن کے اتحادی ٹرمپ سے پوچھتے ہیں کہ اگر دنیا کی جدید ترین فوجی طاقت رکھنے کے باوجود وہ ایران کو شکست نہیں دے سکتا تو ہم بھی کچھ نہیں کر سکتے۔

اب سوال یہ ہے کہ اگر امریکہ ایران کے خلاف کامیاب نہیں ہو سکا تو کیا وہ مستقبل میں چین یا روس کے خلاف کامیاب ہو سکے گا؟

نیتن یاہو کی موت کی خبریں عالمی سطح پر نفسیاتی جنگ کا حصہ ہیں۔

امریکہ کے پاس جزیرہ خارک پر فوج اتارنے کی صلاحیت نہیں ہے، کیونکہ اگر وہ ایسا کرتا ہے تو اسے ایران کی مسلح افواج کی جانب سے سخت جوابی کارروائی کا سامنا کرنا پڑے گا۔