ایران اور امریکہ کے درمیان جنگ کے خاتمے کے معاہدے کے بارے میں سپریم نیشنل سیکیورٹی کونسل کے سیکرٹریٹ کا اعلامیہ

ایران کی معزز ملت کو مطلع کیا جاتا ہے کہ:

 اسلامی جمہوریہ ایران نے اپنے شہید رہنما کی قیادت کی روشنی میں، امریکی-صیہونی دشمن پر اپنی برتری کو مکمل کر لیا ہے؛ اور نظام کے رہبرِ عالی قدر (حفظہ اللہ تعالی) کی تدابیر، عوام کے تمام طبقات کی حمایت اور اسلام کے مجاہدین کی انتھک کوششوں کے سائے میں، کئی ماہ کے مشکل اور شدید مذاکرات کے بعد، اور سپریم نیشنل سیکیورٹی کونسل کی منظوری کی بنیاد پر، 24 خرداد (13 جون) کی شام کو ایران اور امریکہ کے درمیان جنگ کے خاتمے کے مذاکرات (اسلام آباد مذاکرات) کے حوالے سے مفاہمت کی یادداشت (ایم او یو) کے متن کو حتمی شکل دے دی ہے۔

 طے پانے والے معاہدوں کے مطابق، لبنان سمیت تمام محاذوں پر جنگ اور فوجی آپریشن آج رات سے فوری اور مستقل طور پر ختم ہو جائیں گے، اور اس کے علاوہ ایران کے خلاف سمندری محاصرہ بھی فوری اور مکمل طور پر ختم کر دیا جائے گا۔

 اس مفاہمت کی یادداشت پر باقاعدہ دستخط جمعہ 29 خرداد (19 جون) کو ہوں گے۔

 حتمی معاہدے کے لیے مذاکرات، مفاہمت کی یادداشت کے مطابق دوسرے فریق کی جانب سے وعدوں پر عمل درآمد کے بعد تک ملتوی کر دیے جائیں گے۔ اسلامی جمہوریہ ایران، اسلامی جمہوریہ پاکستان اور دولتِ قطر کی کوششوں کو سراہتا ہے اور ان کا شکریہ ادا کرتا ہے۔