برطانیہ میں ایرانی طیاروں کی لینڈنگ پر پابندی عائد

 برطانیہ کی حکومت نے ایران کے خلاف عائد کردہ پابندیوں اور محدودیتوں میں توسيع کا اعلان کرتے ہوئے کہا ہے کہ ان اقدامات کے تحت ایران کی مالیاتی خدمات، تجارت، ٹیکنالوجی، سمندری نقل و حمل (میری ٹائم) اور ہوا بازی (ایوی ایشن) کی صنعت کو نشانہ بنایا گیا ہے۔

 نئے قوانین کے تحت، برطانوی مالیاتی نظام تک ایران کی رسائی کو مزید محدود کر دیا گیا ہے، تجارتی پابندیوں کے دائرہ کار میں اضافہ کیا گیا ہے اور چند استثنائی حالات کے علاوہ برطانیہ میں ایرانی طیاروں کی لینڈنگ پر بھی پابندی عائد کر دی جائے گی۔