پزشکیان: ایران خطے کی سلامتی کو ایک اجتماعى معامله سمجھتا ہے

کرغزستان کے صدر کے ساتھ ملاقات میں صدرِ مملکت کے بیانات:

اسلامی جمہوریہ ایران کے یوریشین اکنامک یونین کے ساتھ آزادانہ تجارت کے معاہدے (ایف ٹی اے) پر مکمل عمل درآمد اور موجودہ رکاوٹوں کو دور کرنے سے، دونوں ممالک کے مابین تجارتی حجم میں نمایاں اضافے اور اقتصادی صلاحیتوں سے مزید فائدہ اٹھانے کی راہ ہموار ہوگی۔

اسلامی جمہوریہ ایران، سمندر کے راستے کرغزستان کی اشیاء کو خلیج فارس کے ممالک، برصغیر پاک و ہند اور مشرقی ایشیا تک منتقل کرنے کے لیے بہترین اور مناسب ترین راستہ بن سکتا ہے۔

 بندر عباس میں کرغزستان کے ایک لاجسٹک سینٹر کا قیام دونوں ممالک کے تجارتی اور ٹرانزٹ تعاون کی ترقی میں موثر کردار ادا کر سکتا ہے، اور کرغزستان نیز یوریشین اکنامک یونین کے رکن ممالک کے لیے ایران کے ٹرانسپورٹ کے مواقع اور کھلے سمندروں تک رسائی سے مزید فائدہ اٹھانے کا زمینہ فراہم کر سکتا ہے۔

 دیگر ممالک کے ساتھ اسلامی جمہوریہ ایران کے فوجی اور دفاعی تعاون کا رخ کبھی بھی خطے کے ممالک کے خلاف نہیں رہا اور نہ ہے، بلکہ یہ صرف علاقائی سلامتی کو مضبوط بنانے کی ایران کی اصولی پالیسی کے فریم ورک میں پیش رفت کر رہا ہے