قطر پر صیہونی حکومت کی فوجی جارحیت کی شدید مذمت

اسلامی جمہوریہ ایران کی وزارت خارجہ قطر کے خلاف صیہونی حکومت کی مجرمانہ کارروائی اور فلسطینی رہنماؤں کو قتل کرنے کی کوشش کی شدید مذمت کرتی ہے اور اس جارحیت کے دوران شہید ہونے والے فلسطینی اور قطری شہریوں کے لیے تعزیت کا اظہار کرتی ہے۔

یہ دہشت گردانہ حملہ اقوام متحدہ کے چارٹر کے اصولوں اور بین الاقوامی قانون کے بنیادی قوانین کی صریح خلاف ورزی ہے اور قطر کی خودمختاری اور علاقائی سالمیت پر ایک کھلی جارحیت ہے۔ یہ اس حکومت کی خطرناک اور دہشت گردانہ فطرت کا ایک اور واضح ثبوت ہے جو مقبوضہ فلسطین میں نسل کشی اور قتل عام کے ساتھ ساتھ، اپنی جارحیت کو پورے خطے میں پھیلا چکی ہے، اور علاقائی اور عالمی امن و استحکام کو ایک بے مثال خطرے سے دوچار کر دیا ہے۔

بلا شبہ، امریکی حکومت اور صیہونی حکومت کے دیگر فوجی، مالی اور سیاسی حامی اس حکومت کے جرائم میں شریک اور سہولت کار ہیں اور انہیں اس حکومت کے مسلسل جرائم اور قانون شکنیوں کا جوابدہ ہونا پڑے گا۔