جب لاطینی امریکہ کے سفیروں نے صحافیوں کی میزبانی کی

تہران میں یوراگوئے کے سفیر کی دعوت پر اور برازیل، وینزویلا، کیوبا، نکاراگوا اور سپین کے سفیروں کی موجودگی میں ایرانی ذرائع ابلاغ کے ساتھ ایک دوستانہ نشست اس ملک کی سفارت گاہ میں منعقد ہوئی۔

اس بار تہران میں یوراگوئے کے سفارت خانے کا ماحول بالکل مختلف تھا؛ نہ تو سفارتی ملاقاتوں کے روایتی تشریفات (پروٹوکول) تھے اور نہ ہی میزبانوں نے صرف رسمی گفتگو پر اکتفا کیا۔ یہاں سفارت کاروں نے ان لوگوں کے سامنے بیٹھنا تھا جو ہر روز عوام کے لیے سیاسی، معاشی اور بین الاقوامی خبریں اور تجزیے پیش کرتے ہیں؛ یعنی ایرانی صحافی اور میڈیا نمائندے۔

یوراگوئے کے سفیر نے اس بات پر زور دیا کہ صحافی ہر ملک میں معلومات کی فراہمی کے عمل کا ایک اہم حصہ ہوتے ہیں، اور مختلف ممالک میں ان کی موجودگی کے تجربے نے اس بات کو ان کے لیے مزید نمایاں کیا ہے۔ انہوں نے ان ممالک کے صحافیوں کی معلومات کی سطح، صلاحیت اور پیشہ ورانہ مہارت کی تعریف کی جہاں وہ تعینات رہے ہیں، اور کہا کہ اس نشست کا انعقاد سفارت کاروں اور میڈیا برادری کے ایک دوسرے سے قریب ہونے کا ایک قیمتی موقع ہے۔