صدر پزشکیان: فراجا (پولیس فورس) حالیہ مسلط کردہ جنگ میں مجاہدانہ اور بے لوث جذبے کے ساتھ میدان میں موجود تھی

 میدانِ جنگ کی فتح کو سفارتی محاذ پر بھی مکمل ہونا چاہیے

کمانڈر انچیف اور فراجا کے سینیئر کمانڈرز کے ساتھ اجلاس میں صدر کا خطاب:

 عقلانی، منطقی اور قومی مفادات پر مبنی ترجیح یہ ہے کہ میدانِ جنگ میں مسلح افواج کی فتح کو سفارت کاری کے میدان میں بھی مکمل کیا جائے اور ایرانی قوم کے حقوق کو عزت و اقتدار کے موقف سے مستحکم کیا جائے۔

 فراجا (ایران کی قانون نافذ کرنے والی فورس) نے محدود وسائل اور سہولیات کی کمی کے باوجود ملک کی اندرونی سلامتی کو یقینی بنانے کے لیے میدان میں مؤثر، مقتدر اور فداکارانہ موجودگی برقرار رکھی؛ حکومت اپنا یہ فرض سمجھتی ہے کہ اس ادارے کی مضبوطی کے لیے ہر ممکن تعاون فراہم کرے۔

 حکومت، فراجا کے لیے ساز و سامان کی فراہمی، نقصانات کا شکار ہونے والے مراکز کی بحالی اور آپریشنل و لاجسٹک صلاحیتوں میں اضافے کو اپنی حتمی ذمہ داری سمجھتی ہے اور اس سلسلے میں جو بھی ضروری ہوا، اسے پوری سنجیدگی کے ساتھ پورا کیا جائے گا۔

 عوامی صلاحیتوں، سماجی سرمائے اور عوامی تحفظ کے شعبے میں شہریوں کی فعال شرکت سے نہ صرف سیکورٹی کی سطح بلند ہو گی بلکہ عوامی اعتماد اور سماجی سرمائے کو بھی تقویت ملے گی۔